Kazanda böyük yanğın – YENİLƏNİB + FOTO
Kazanda böyük yanğın – YENİLƏNİB + FOTO
Xəsarət alanların sayı 28-ə çatdı.
Kazanda “Admiral” ticarət mərkəzində yanğın zamanı xəsarət alanların sayı 28-ə çatıb, bir nəfər isə dağıntılar altında qalıb.
Oxu.Az xəbər verir ki, bu barədə RİA Novosti-yə mənbə məlumat verib.
“Son məlumatlara əsasən, 15 nəfər xəstəxanaya yerləşdirilib, 13 nəfər müayinə üçün tibb müəssisələrinə çatdırılıb. Bir nəfər ölüb, bir nəfər isə dağıntılar altındadır”, mənbə bildirib.
17:20
Kazanda “Admiral” ticarət mərkəzində yanğın zamanı bir nəfər ölüb, 13 nəfər xəsarət alıb.
Bu barədə Oxu.Az İnterfaks-a istinadən xəbər verir.
“Yanğının söndürülməsi zamanı bir meyit aşkar olunub. Bu, qadındır”, - deyə Tatarıstanın Səhiyyə Nazirliyinin mətbuat katibi Aygül Səlimzyanova məlumat verib.
O, qeyd edib ki, 13 nəfər xəstəxanaya yerləşdirilib ki, onlardan da ikisinin vəziyyəti çox ağırdır.
“Admiral” ticarət mərkəzində yanğının sahəsi 4 min kvadrat metr təşkil edib.
www.oxu.az