İranda silah zavodunda güclü partlayış baş verib - VİDEO

İranın mərkəzində yerləşən İsfahan vilayətində silah zavodunda güclü partlayış baş verib.

Sosial şəbəkələrdə yayılan məlumata görə, bunu İranın İsfahan vilayəti valisinin müavini Məhəmməd Cannesari deyib.

Onun sözlərinə görə, partlayış Müdafiə Nazirliyinə məxsus mərkəzlərdən birindəki zavodda baş verib.

İsfahan vilayətində indiyədək 3 partlayış səsinin eşidildiyi bildirilir.

Onlardan birinin də şəhərin mərkəzində dronun düşməsi nəticəsində baş verdiyi deyilir.