Rusiyada gənc oğlanı yarım saat ərzində iki dəfə avtomobil vurub - VİDEO

Rusiyanın Tümen şəhərinin sakinini yarım saat ərzində iki dəfə avtomobil vurub.

Əvvəlcə o, qadağan olunmuş yerdən yolu keçib və “Renault Logan” avtomobilinin təkərləri altında qalıb. Nəticədə çiyni əzilib və üzü zədələnib. Təcili yardım maşını ilə xəstəxanaya aparılan gənc həkimlərin müdaxiləsindən sonra evə buraxılıb.

Lakin bir neçə dəqiqədən sonra o, xəstəxanaya geri gətirilib. 26 yaşlı xəstə yenidən yolu yanlış yerdən keçməyə cəhd edib və bu dəfə də onu “Mitsubishi” avtomobili vurub.

Bu dəfə onun vəziyyəti daha ağır olub və orta ağır olaraq qiymətləndirilməklə xəstəxanada saxlanılıb.

Mənbə: “SHOT” “Telegram”