Məşhur rusiyalı müğənni ürəyindən əməliyyat olundu

Bu günlərdə Moskvanın kardioloji mərkəzlərindən birinə aparılan rusiyalı müğənni və bəstəkar İqor Nikolayev ürəyindən əməliyyat olunub.

63 yaşlı sənətçinin koronar anjioqrafiyadan keçdiyi və ürəyinə stent taxıldığı bildirilib.

Xatıraladaq ki, yanvarın 31-də Nikolayev infarkt keçirərək xəstəxanaya yerləşdirilib. Müğənni üçün bu, ikinci infarkt olub. O, sonuncu dəfə 2021-ci ildə belə vəziyətlə qarşılaşıb.

Qeyd edək ki, İqor Nikolayev 1980-ci ildə Moskva Mədəniyyət İnstitutunun Estrada fakültəsini bitirib. Bundan sonra bəstəkar kimi sənət adamları ilə əməkdaşlıq edib, həmçinin solo ifaçı kimi çıxış edib.

2001-ci ildə Əməkdar İncəsənət Xadimi, 2019-cu ildə isə Rusiyanın Xalq artisti adını alıb.

Mənbə: RenTV