İsgəndərun limanında yanğının söndürülməsinə aviasiya cəlb olunub - YENİLƏNİB + FOTO/VİDEO

Türkiyə Milli Müdafiə Nazirliyinin bölmələri İsgəndərun limanında baş vermiş güclü yanğını söndürməyə başlayıb.

Bu barədə çərşənbə axşamı hərbi nazirliyinn “Twitter” səhifəsində yerləşdirilən məlumatda deyilir.

“İskəndərun limanında baş verən yanğının söndürülməsi ilə quru qoşunlarımıza məxsus helikopterlər və Türkiyə Hərbi Hava Qüvvələrinə məxsus təyyarələr məşğul olur”, - paylaşımda bildirilir.

11:04

Türkiyədə baş verən dağıdıcı zəlzələdən sonra İskenderun limanında baş verən yanğın davam edir.

Naməlum səbəbdən alışan konteynerlərdəki yanğın gecə boyu davam edib və getdikcə daha böyük sahəni əhatə edib.

Yanğının nəzarətə alınması üçün işlər davam edir.

Mənbə: Haber Global