Ərdoğanın partiyasının ofisinə silahlı basqın - YENİLƏNİB + FOTO

Türkiyə xüsusi təyinatlıları naməlum şəxsləri zərərsizləşdirdi.

Türkiyə xüsusi təyinatlıları İstanbulda hakim Ədalət və İnkişaf Partiyasının yerli şöbəsinin binasına hücum etmiş iki naməlum şəxsi zərərsizləşdirib. 

NTV kanalının məlumatına əsasən, onlar saxlanılıb.  

“Xüsusi təyinatlılar binaya daxil olub və silahlıları zərərsizləşdirib. Onlar həbs olunub”, - telekanal xəbər verib. 

14:21

İstanbulda Türkiyənin hakimiyyət partiyasının ofisinə iki silahlı şəxs hücum edib, Reuters yerli KİV-ə istinadən xəbər verir.

Oxu.Az xəbər verir ki, “Dogan” xəbər agentliyinin məlumatına əsasən, polis partiyanın binası ətrafında yolu bağlayıb.

Hadisənin təfərrüatları barədə hələlik məlumat verilməyib.

www.oxu.az