Qaz kəmərinin təmiri zamanı 5 min illik kurqan tapıldı - FOTO

Rusiyanın Stavropol diyarında qaz kəmərinin təmiri zamanı qazma işləri aparılarkən içərisində müvafiq artefaktların olduğu qədim kurqan aşkar edilib.

Arxeoloji tapıntı Trunovski rayonunda yerləşən Bezopasnoy kəndində aşkarlanıb. Məlumata görə, işçilər qaz borusunu təmir etmək üçün yeri qazarkən qədim tikililərə rast gəliblər.

Mütəxəssislərin fikrincə, qəbirin təxminən 5 min il yaşı var.

Arxeoloqlar ərazini mühasirəyə alaraq qazıntılara başlayıblar. Mərhumla birlikdə qəbirlərə qoyulmuş vazalar qorunub saxlanıb. Məzarda qədim dəfnlərə xas olan pozada skeletlər də tapılıb.

Mənbə: rossaprimavera.ru