Bayden yenə yıxıldı - VİDEO

ABŞ Prezidenti Co Bayden Koloradoda ABŞ Hərbi Hava Qüvvələri Akademiyasının məzunları üçün keçirilən buraxılış mərasimi zamanı büdrəyərək yıxılıb.

Hadisənin videosu artıq sosial şəbəkələrdə yayılıb.

Görüntülərdə mavi papaqlı 80 yaşlı Baydenin yıxıldıqdan sonra təhlükəsizlik işçiləri tərəfindən tez bir zamanda ayağa qaldırılması əks olunub.

Bildirilir ki, dövlət başçısı öz yerinə qayıdarkən ayağı qum torbasına ilişib.

Qeyd edək ki, ABŞ prezidenti velosiped sürərkən və ya təyyarəyə qalxarkən ara-sıra yıxılması ilə tanınır.