Ukraynaya bir gündə rekord sayda hava zərbələri endirilib - VİDEO

Ukraynada müharibə davam edir.

Baku TV-nin bu ölkədə olan əməkdaşı Mübariz Aslanov Ukraynadan son məlumatları çatdırıb.

O bildirib ki, ötən gün Kiyev, o cümlədən digər şimal vilayətləri xüsusilə Belarus istiqamətindən kütləvi PUA hücumlarına məruz qalıb.

Qeyd edilib ki, Kiyevə hücumların qarşısı Ukrayna hava hücumundan müdafiə sistemi tərəfindən alınsa da, digər vilayətlərdə dağıntı və tələfatlar olub.

“Son iki gündə Ukraynaya ümumilikdə 110 hava hücumu cəhdi olub. Quruda isə 86 hərbi toqquşma baş verib”, - deyə jurnalist əlavə edib.