Müğənni bacıların avtomobillə vurduğu piyadanın vəziyyəti ağırdır

Ötən gün müğənnilər Sevil və Sevinc Səfərovaların avtomobillə vurduğu 87 yaşlı piyada Zöhrab Ağayevin vəziyyəti ağır olaraq qalır.

Oxu.Az Qafqazinfo-ya istinadla xəbər verir ki, xəstə hələ də 1 saylı Şəhər Kliniki Xəstəxanasının reanimasiya şöbəsindədir.

“Vəziyyəti çox ağırdır. Hələ reanimasiyadadır. Həkimlər əllərindən gələni edirlər”, - deyə məlumatda bildirilir.

Xatırladaq ki, əkizlər yenicə aldıqları avtomobil ilə ötən gün “Qoşa qala” qapıları qarşısında qəza törədiblər. Vaxtında əyləcə basa bilməyən Sevinc yolu keçən piyadanı vurub.

A.S.
www.oxu.az