Bakıda yenicə açılmış parkda xoşagəlməz vəziyyət – FOTO
Bakıda yenicə açılmış parkda xoşagəlməz vəziyyət – FOTO
Bakı şəhəri, Xətai rayonu ərazisində yerləşən “Sevirəm” parkında quraşdırılan yelləncəklərin bəziləri qırılıb. Bəzi əyləncə vasitələrində isə uşaqlara zərər vura biləcək problemlər var.
Oxu.Az xəbər verir ki, adının çəkilməsini istəməyən parkın əməkdaşı Report-a bildirib ki, yelləncəklər gecə saatlarında qırılır: “Sərxoş adamlar parka zərər vurur”.
Gecə saatlarında nəzarətin olub-olmaması məsələsi ilə bağlı sualımızı cavablandıran park işçisi parkda gecə də nəzarətçi olduğunu bildirib. Lakin o, parka nəzarət ola-ola necə ziyan vurulmasına aydınlıq gətirə bilməyib.
Maraqlıdır ki, parkda uşaqların sürüşməsi üçün nəzərdə tutulan attraksion digər parklardan fərqli olaraq taxtadandır. Bu isə balacaların sürüşməsinə imkan vermir.
Qeyd edək ki, park 2016-cı ilin oktyabr ayında istifadəyə verilib. 3,2 hektar ərazini əhatə edən park 7 aydır paytaxt əhalisinin istifadəsinə açıqdır.
A.M.