“Neftçi” və “Xəzər-Lənkəran” məğlub oldu

Topaz Premyer Liqasının 17-cı turuna yekun vurulub.

Oxu.Az xəbər verir ki, günün ilk qarşılaşması “Xəzər-Lənkəran” ilə “Kəpəz” komandası arasında oynanılıb.

Oyun qonaqların minimal hesablı qələbəsi ilə bitib - 0:1. Yeganə qolu matçın 66-cı dəqiqəsində Şəhriyar Rəhimov vurub.

Digər qarşılaşmada, iki paytaxt komandasının görüşündə “Neftçi” AZAL-ı qəbul edib. 

Əsgər Abdullayevin baş məşqçi təyinatından sonra məğlubiyyət görməyən “Neftçi” son üç turda uduzmayan AZAL ilə qarşılaşmadan xalsız ayrılıb - 0:1. Oyunun 29-cu dəqiqəsində Ruslan Nəsirli AZAL-ın qalibiyyət qolunu vurub.

www.oxu.az