“Qarabağ”ın qələbəsi və Avropa Oyunlarında 2-ci yer

Azad Rəhimov 2015-ci ildə ən çox nəyi yadda saxladığını açıqladı.

Azərbaycanın gənclər və idman naziri Azad Rəhimov ötən idman ilində ən çox nəyi yadda saxladığını açıqlayıb, Oxu.Az xəbər verir.

“Qarabağ” futbol klubunun Avropa Liqasının matçında qələbəsi xatirimdədir. Azərbaycan yığmasının Avropa Oyunlarında 2-ci yeri tutması isə mənim üçün heyrətamiz oldu.

Mən düşünürdüm ki, biz ən yaxşı halda ilk beşliyə düşə bilərik. Lakin biz möhtəşəm nəticəyə nail olduq”, - deyə, nazir bildirib.

F.H.
www.oxu.az