Azərbaycana gələn turistlərin sayı açıqlandı

“Ötən ilin may ayında Azərbaycana 174 min turist gəlib”.

Oxu.Az xəbər verir ki, bunu Gəlmə turizm sahəsində ixtisaslaşmış tur operator və turizm şirkətləri ilə Milli Turizm Bürosunun görüşündə mədəniyyət və turizm naziri Əbülfəs Qarayev deyib.

O bildirib ki, bu ilin may ayında gələn turistlərin sayı 211 min nəfər təşkil edib.

Nazir deyib ki, ümumi 5 ay ərzində keçən il 768, bu il 956 min turist gəlib: “Bu, 200 mindən çox turist artımı deməkdir. Viza rejiminin sadələşdirilməsi bu artıma xüsusi təsir göstərib”.

Turistlərin gəlişində təxminən 30 faiz artım müşahidə edilib.

E.Ə.
www.oxu.az