ABŞ-dakı “Azadlıq” heykəlinə “Xoş gəlmisiniz, qaçqınlar” plakatı asılıb
ABŞ-dakı “Azadlıq” heykəlinə “Xoş gəlmisiniz, qaçqınlar” plakatı asılıb
ABŞ-ın Nyu-York şəhərində yerləşən məşhur “Azadlıq” heykəlinə naməlum şəxslər tərəfindən “Xoş gəlmisiniz, qaçqınlar” sözlərinin yazıldığı banner asılıb.
Oxu.Az-ın məlumatına əsasən, bu barədə Report “NBC New York” nəşrinə istinadən xəbər verir.
Məlumata əsasən, hazırda yerli polis uzunluğu 6 metr olan banneri heykəlin ayaq hissəsinə kimin asa biləcəyini araşdırmaqda məşğuldur.
Plakat bir saatdan çox heykəlin üzərində qalıb.
Nəşr yazır ki, milli abidələrə plakatların bərkidilməsi qanunla qadağan edilir.
Hadisə ilə bağlı məsuliyyəti sosial şəbəkələrdə “Alt Statue of Liberty” akkauntunu idarə edən naməlum şəxs öz üzərinə götürüb.
“Biz xatırlatmaq istəyirik ki, Amerika dünyada azadlığın mayakıdır, ölkə immiqrantlar tərəfindən qurulub. Ölkə və ya dinlərin “hasara” alınması dəyərlərimizə ziddir”, - deyə nəşr səhifə administratorunun yazdıqlarını sitat gətirib.
N.O.