Milyarder Trampın impiçmenti üçün kampaniyaya başladı - VİDEO

Amerikalı milyarder Tom Stayer prezident Donald Trampın impiçmenti üçün kampaniya başlatdığını elan edib. 

Оxu.Az xəbər verir ki, milyarder bunu yayımladığı videoçarx vasitəsilə açıqlayıb. 

Videomüraciətdə Stayer Trampı ABŞ-ı nüvə müharibəsi ilə üz-üzə qoymaqda, Federal Axtarış Bürosunun ədalətinə mane olmaqda, konstitusiyaya məhəl qoymamaqda, digər ölkə hökumətlərindən pul almaq və  KİV-ləri bağlamaqla təhdid etməkdə ittiham edib: “Əgər bu təhlükəli prezidenti istefaya göndərmək üçün əsas deyilsə, o zaman bizim hökumət harada qaldı?”

Stayer bəyan edib ki, ABŞ konqresi Trampın təhlükə yaratdığını anlayır: “Ağıl tarazlığı yerində deyil, bununla yanaşı, nüvə silahı ilə silahlanıb”. 

N.H.

www.oxu.az