İslam terrorçuları “Allahu əkbər” deyərək baş kəsdilər – FOTO (18+)

“Bu da bizim çempionatımızdır, insan dərisindən top”.

İraq Şam İslam Dövləti (İŞİD) terror təşkilatının etdiyi vəhşiliklər son bir neçə gündə dünya gündəmindən düşmək bilmir.

Oxu.Az ANS PRESS-ə istinadən xəbər verir ki, İraqın bir neçə şəhərini ələ keçirərək Bağdada doğru irəliləməyə çalışan qruplaşma üzvlərinin vəhşiliyi artıq özləri üçün adi hala çevrilib. Belə ki, ötən gün İŞİD silahlılarının evlərində əsir saxladıqları iraq polisi rəisinin başını kəsdikləri zaman çəkilən video-görüntülər yayılıb.

Onlar həmin görüntüləri “Bu da bizim çempionatımızdır, insan dərisindən top” qeydi ilə Twitter hesablarında paylaşıblar. 

İŞİD silahlıları ələ keçirdikləri şəhərlərdə qırğınlar törədir, önünə çıxan günahsız dinc əhalini incidərək öldürürlər. Əllərində bıçaq və silahla gəzən qruplaşma üzvləri “Allahu əkbər” deyərək, heyvan boğazı kimi insanların boğazını kəsirlər. 

İŞİD sözçülərindən biri bu vaxta qədər 1700 iraqlı hərbçini, zabiti öldürüb başlarını kəsərək, dünya çempionatını bu şəkildə qeyd etdiklərini açıqlayıb.

www.oxu.az