Merkeldən Ərdoğana çağırış: Təmkinli olun

Bu gün Almaniya kansleri Angela Merkellə Türkiyə prezidenti Rəcəb Tayyib Ərdoğan arasında telefon danışığı olub.

Oxu.Az xəbər verir ki, söhbət zamanı Suriyadakı vəziyyət müzakirə edilib.

Bildirilir ki, Merkel Türkiyənin Suriya qaçqınlarına ərazisində sığınacaq verdiyini xüsusi vurğulayıb. Kansler ümidvar olduğunu bildirib ki, Türkiyə ABŞ qoşunlarının Suriyadan çıxarılması məsələsində təmkinli olacaq, məsuliyyəti dərk edərək reaksiya verəcək.

Merkel qeyd edib ki, İŞİD terror təşkilatı hələ də təhlükə mənbəyi olaraq qalır.