Parisdə iğtişaşlar başladı

Parisdə keçirilən etiraz aksiyası zamanı iğtişaşlar başlayıb.

RİA “Novosti” agentliyinin məlumatına görə, bir qrup maskalı şəxs bankın və “Mcdonald`s” restoranının vitrinlərini sındırıb.

Etirazçılar həmçinin bankomatı yandırıblar, valyuta dəyişmə məntəqəsini dağıdıblar.

Həmkarlar ittifaqlarının təşkil etdiyi aksiyaya ilk dəfə “sarı jiletlər” qoşulub.  Aksiya iştirakçıları minimal əmək haqqının 20 faiz artırılması, qadın və kişilər üçün bərabər əmək haqqı, vergi islahatlarının aparılması və digər tələblər irəli sürüblər.