Xodorkovski Məhəmməd peyğəmbərə qarşı karikaturalar yaymağa çağırıb
Xodorkovski Məhəmməd peyğəmbərə qarşı karikaturalar yaymağa çağırıb
“Sabah bütün nəşrlərdə Məhəmməd peyğəmbərə qarşı karikatura olmalıdır”.
“ЮКОС” neft şirkətinin eks sahibi, məşhur rusiyalı ictimai xadim və publisist Mixail Xodorkovski müsəlmanları qıcılandıracaq təklif irəli sürüb.
Oxu.Az Qafqazinfo-ya istinadən xəbər verir ki, o, Twitter səhifəsində bütün Kütləvi İnformasiya Vasitələrini Məhəmməd peyğəmbərə qarşı karikaturalar yaymağa çağırıb.
Xodorkovski bu gün Parisdə baş verən terror aktına münasibətini belə bildirib:
“Əgər jurnalistlərin birliyi varsa, səhər çıxacaq bütün nəşrlərdə Məhəmməd peyğəmbərə qarşı karikatura olmalıdır”.
Qeyd edək ki, bu gün Parisdə Məhəmməd peyğəmbərin karikaturasını dərc edən “Şarli Ebdo” jurnalının redaksiyasına hücum olub. Nəticədə baş redaktor daxil olmaqla 13 jurnalist dünyasını dəyişib.