Neftçilər prospektində daha bir qatar relsi sökülüb – FOTO

İstirahət günlərində Neftçilər prospektinin Nobel prospekti ilə kəsişən yolun hərəkət hissəsindən keçən daha bir dəmir yolu relsi sökülüb.

Oxu.Az “Azəravtoyol” ASC-nin mətbuat xidmətinə istinadən xəbər verir ki, bununla da həmin hissədə sökülən relslərin sayı 2-yə çatıb.

“Azəravtoyol” tərəfindən aparılan işlər zamanı istifadə istifadəsiz qatar relsləri sökülərək, yeri kipləşdirilib. Daha sonra həmin hissələr asfaltlanıb.

Qatar relsləri şəhərin mərkəzində avtonəqliyyat vasitələrinin rahat və təhlükəsiz hərəkətinin təmin edilməsi məqsədi ilə sökülüb.

A.M.

www.oxu.az