Maşını oğurlanan Gədəbəy sakini: Qapını sakitcə örtüb, gedib - VİDEO

Tovuz rayonunun Abulbəyli kəndi ərazisindən kənd sakini Qabil Bayramova məxsus “Mercedes” markalı avtomobil gecə saatlarında qaçırılıb.

Oxu.Az ARB TV-yə istinadən xəbər verir ki, hüquq-mühafizə orqanlarının əməkdaşlarının keçirdikləri axtarış tədbirləri nəticəsində oğurlanan maşın Gədəbəy rayonunun Slavyanka ərazisində tapılıb.

Cinayəti törətməkdə şübhəli bilinən kənd sakini, əvvəllər məhkum olunmuş Elnur Mehdiyev polis tərəfindən saxlanılıb.

“Hasardan aşıb, sakitcə içəridən darvazanı açıb. Maşını itələyib çıxarıb çölə, qapını sakitcə örtüb, gedib”, - avtomobilin sahibi Qabil Bayramov deyib.

Faktla bağlı araşdırmalar davam edir.