24 
Apr
2019
13:38
28
238
6267
Virtual karabakh

Bakıda ailə dramı - Arvadını bıçaqladı, özünü dənizə atdı

Bakının Xəzər rayonunda ailə dramı yaşanıb.

Bu barədə Oxu.Az-a hüquq-mühafizə orqanlarından məlumat verilib.

Aprelin 23-də saat 11:25 radələrində Mərdəkan qəsəbəsində 37 yaşlı Dədəcanov Natiq İlham oğlu münaqişə zəminində həyat yoldaşı Dədəcanova Vüsalə Tofiq qızına iki bıçaq zərbəsi vurub.

Nəticədə qadın 3 saylı Şəhər Kliniki Xəstəxanasına yerləşdirilib. Onun vəziyyəti ağır kimi qiymətləndirilir.

Hadisədən sonra Natiq Dədəcanov Səbail rayonunda Dəniz Vağzalı ərazisində intihara cəhd edib. N.Dədəcanovu Su nəqliyyatında polis idarəsinin əməkdaşları xilas ediblər.

O, ilkin izahatında bildirib ki, hadisə zamanı affekt halında olub və çox peşmandır.

Faktla bağlı cinayət işi açılıb, araşdırma aparılır.

Ramella İbrahimxəlilova 

Bizimlə əlaqə saxlayın

Digər Kriminal xəbərləri