Samuxda qonşular arasında mübahisə qanla bitdi

Samux rayonunun Alıuşağı kəndində bıçaqlanma hadisəsi qeydə alınıb.

Oxu.Az-ın bölgə müxbirinin xəbərinə görə, kənd sakini 32 yaşlı Zamin Bayramov qardaşının evində qonşusu Elxan Cəfərovla mübahisə edib. Mübahisə zamanı E.Cəfərov Z.Bayramovu bıçaqlayıb.

Yaralı dərhal yaxınları tərəfindən xəstəxanaya yerləşdirilib. Xəstə əməliyyat olunub, vəziyyətinin kafi olduğu bildirilir.

Faktla bağlı araşdırma aparılır.

Nazir Quliyev