Toyda kütləvi dava: qan töküldü - YENİLƏNİB

Fatmayıda toyda iki nəfəri bıçaqlayan şəxs tutulub.

Abşeron Rayon Polis İdarəsi əməkdaşlarının keçirdiyi əməliyyat-axtarış tədbirləri nəticəsində hadisəni törədən 32 yaşlı Elxan Heydərov saxlanılıb.

01:36

Abşeronda toyda kütləvi dava olub.

Oxu.Az-ın məlumatına görə, hadisə Fatmayı kəndində keçirilən toy məclisində qeydə alınıb.

Həyətdə qurulan toy məclisində qonaqlar arasında kütləvi dava olub. Davada 1987-ci il təvəllüdlü Əliyev Osman Mirzəbala oğlu və 1986-cı il təvəllüdlü Şiriyev Orxan Allahverən oğlu naməlum şəxs və ya şəxslər tərəfindən bıçaqlanıb.

Yaralılar dərhal 1 saylı Klinik Tibbi Mərkəzə çatdırılıb. O.Şiriyevə qarının kəsilmiş-deşilmiş yarası, O.Əliyevə isə döş qəfəsinin kəsilmiş-deşilmiş yarası diaqnozu qoyulub. 

Onlar təcili olaraq cərrahi əməliyyat edilərək reanimasiya şöbəsinə yerləşdiriliblər.

Faktla bağlı Abşeron Rayon Polis İdarəsində araşdırma aparılır.

Kamil Əmirli
Elşad Mətləboğlu