Qız üstündə həmyerlisini bıçaqladı - Dörd il iş aldı

Bu gün Bakı Ağır Cinayətlər Məhkəməsində qəsdən adamöldürməyə cəhddə təqsirləndirilən Fərid Musayevin cinayət işi üzrə məhkəmə iclası başa çatıb.

Oxu.Az xəbər verir ki, hakim Cavid Hüseynovun sədrliyi ilə keçirilən prosesdə hökm oxunub.

Hökmə əsasən, F.Musayev dörd il müddətinə azadlıqdan məhrum edilib.

Qeyd edək ki, bu il yanvarın 30-da Şabran rayon ərazisindəki ticarət mərkəzinin qarşısında 32 yaşlı Elçin Şükürov sol bazu sümüyü və qarın boşluğuna keçən, sol böyrəyin zədələnməsi, kəsilmiş-deşilmiş yarası ilə Şabran Rayon Mərkəzi Xəstəxanasına daxil olub.

Daxil olan məlumat əsasında aparılan araşdırma zamanı müəyyən edilib ki, həmin gün axşam saat 17 radələrində rayon sakini, 22 yaşlı F.Musayev ticarət mərkəzinin qarşısında qısqanclıq zəminində aralarında yaranan mübahisə nəticəsində E.Şükürovu öldürmək məqsədilə bıçaqlayaraq xəsarətlər yetirib.

Məlum olub ki, gənc 33 yaşlı kişini qız üstündə bıçaqlayıb.