“Erməni qəbiristanlığı”nda bıçaqlanma: Gecə klubunda qan töküldü

Nərimanov rayonunda bıçaqlanma hadisəsi baş verib.

Oxu.Az xəbər verir ki, hadisə “erməni qəbiristanlığı” kimi tanınan ərazidə baş verib.

Gecə klublarından birinin yaxınlığında naməlum şəxs və ya şəxslər 1988-ci il təvəllüdlü Ağalarov Nahid Bəylər oğlunu bıçaqlayıb.

Yaralı dərhal xəstəxanaya çatdırılaraq cərrahi əməliyyat edilib. Ona ayağın kəsilmiş-deşilmiş yarası diaqnozu qoyulub.

Hazırda Nərimanov Rayon Polis İdarəsinin əməkdaşları hadisəni törədən şəxsin axtarışları istiqamətində istintaq işi aparır.

Kamil Əmirli

Elşad Mətləboğlu