Sumqayıt sakini çəp baxışına görə öldürüldü
Sumqayıt sakini çəp baxışına görə öldürüldü
Sumqayıt şəhərində qətl hadisəsi baş verib. 2-ci polis bölməsi əməkdaşlarının keçirdiyi əməliyyat-axtarış tədbirləri nəticəsində əvvəllər məhkum olunmuş, 1990-cı il təvəllüdlü Eldarov Şəhriyar Azad oğlunu qətlə yetirən şəxs saxlanılıb.
Bu barədə Oxu.Az-a Sumqayıt Şəhər Polis İdarəsindən məlumat verilib.
Eldarov Şəhriyar sentyabrın 25-i gecə saatlarında qeyd olunan kəndin ərazisində qətlə yetirilib. Hadisə ilə əlaqədar həmin qəsəbənin sakini 1995-ci il təvəllüdlü Qədirov Mətləb Eldar oğlu saxlanılıb. Saxlanılan şəxsdən maddi sübut kimi cinayət aləti - bıçaq götürülüb.
Cinayətin motivinə gəldikdə isə səbəb çox adidir - Şəhriyar Eldarovun çəp baxışı gənclər arasında qarşıdurmaya və qətlə gətirib çıxarıb.
Şəhər prokurorluğu faktla bağlı istintaq aparır.
Ramella İbrahimxəlilova