Okt
2019
16:46
33
345
8647
Virtual karabakh

Bakının mərkəzində mütəşəkkil dəstə adam oğurladı, işgəncə verdi

Bakıda naməlum şəxslər küçədə paytaxt sakinini oğurlayıb. 

Trend-in məlumatına görə, hadisə paytaxtın Nəsimi rayonu ərazisində baş verib.

Metronun “28 May” stansiyasının qarşısında dörd nəfərdən ibarət mütəşəkkil dəstə qabaqcadan əlbir olaraq Bakı şəhər sakini Baxşıyev Təbrik Ədalət oğlunu oğurlayaraq avtomobilə mindirib Abşeron rayonunun Xırdalan qəsəbəsinə aparıb.

Naməlum şəxslər yolda T. Baxşıyevə zorakılıq edərək işgəncə verib, üzərində olan 550 manatını alıblar. Dəstə üzvləri daha sonra onu naməlum istiqamətə aparıb, orada avtomobildən düşürüblər.

Zərərçəkmişin müraciəti əsasında Abşeron rayon Polis İdarəsində cinayət işi başlanıb.

Bizimlə əlaqə saxlayın

Digər Kriminal xəbərləri