Bakıda 39 yaşlı qadını bıçaqladılar

Bakının Nərimanov rayonunda yaşayan qadın bıçaqlanıb.

Hüquq-mühafizə orqanlarından Oxu.Az-a verilən məlumata görə, iyunun 5-də saat 23:20 radələrində Lənkəran rayon sakini, 1981-ci il təvəllüdlü Sevinc Nəsirova sinəsində və əlində bıçaq yaraları ilə 5 saylı Şəhər Klinik Xəstəxanasına çatdırılıb.

Xəstənin vəziyyəti ağır olduğundan, hüquq-mühafizə orqanlarının əməkdaşları cinayətin təfərrüatını müəyyənləşdirmək üçün onu dindirə bilməyiblər. Qadına ağır bədən xəsarəti yetirməkdə şübhəli bilinən şəxsin kimliyi hələlik müəyyənləşdirilməyib.

Faktla bağlı cinayət işi başlanılıb, araşdırma aparılır.

Ramella İbrahimxəlilova