Xocavənddə polisin qanuni əmrinə tabe olmayan sürücülər saxlanılıb
Xocavənddə polisin qanuni əmrinə tabe olmayan sürücülər saxlanılıb
Xocavənddə polisin “saxla” əmrinə tabe olmayan sürücülər saxlanılıb.
Bu barədə Daxili İşlər Nazirliyinin (DİN) Mətbuat Xidməti məlumat yayıb.
Oktyabrın 2-də saat 04:00 radələrində işğaldan azad olunmuş Xocavənd rayonunun Böyük Tağlar kəndi ərazisində yerləşən nəzarət postunda İmişli rayon sakinləri Q.Talıbovun idarə etdiyi “Shacman” və R.Quliyevin idarə etdiyi “Hovo” markalı avtomobillərə “saxla” əmri verilib, lakin sürücülər tabesizlik göstərərək hərəkəti davam etdiriblər.
Görülmüş tədbirlərlə onlar saxlanılıb.
Araşdırmalarla Q.Talıbovun sərnişini C.Məmmədovun və R.Quliyevin sərnişini N.Tapdıqovun işğaldan azad olunmuş ərazilərə keçmək üçün müvafiq icazələrinin olmaması müəyyən edilib. “Shacman” markalı avtomobilin yük yerinə baxış zamanı oradan “Altay” markalı traktor, “Hovo” markalı avtomobilin yük yerinə baxış zamanı isə dəmir və əlvan metallar aşkar edilib.
Toplanmış materiallar rayon məhkəməsinə göndərilib.