Cenifer Lopezin keçmiş ərinin lüks yaxtası bir anda alovlara büründü - VİDEO

Məşhur müğənni Cenifer Lopezin keçmiş əri, “Qremmi” mükafatının laureatı Mark Entoninin 36 metr uzunluğunda lüks yaxtası “Andiamo” Mayamidə yanaraq kül olub.

Bu barədə “Daily Mail” xəbər verib.

Yanğının səbəbləri araşdırılır. Baş verənlərə görə zərərçəkən olmayıb.

Hadisə yerinə gələn doqquz yanğınsöndürən briqadası alovlara bürünən gəmini xilas edə bilməyib, amma yanğının qonşu gəmilərə keçməsinin qarşısını ala biliblər.

Qeyd edək ki, Mark “Andiamo”ya uzun illər əvvəl sahib olub. 2019-cu ilin əvvəlində gəmi satışa çıxarılmışdı, amma belə görünür ki, sahibi hələ də dəyişməyib.