“Taxt-tac oyunları” serialının prikvelinin çəkiliş vaxtı elan edildi - FOTO

“Warner Bros.” şirkətinin icraçı direktoru Ceyson Kilar “Taxt-tac oyunları” serialının prikvelinin çəkilişlərinin vaxtını açıqlayıb.

Bu barədə “Medium” xəbər yayıb.

Kiların sözlərinə görə, “Əjdaha Evi”nin çəkilişləri bir neçə aydan sonra başlayacaq.

“Başınızın üstündəki əjdahalara diqqət yetirin”, - deyə o bildirib.

“Əjdaha Evi” serialı “Taxt-tac oyunları” hadisələrindən üç yüz il əvvəl, uydurulmuş “Vesteros” qitəsindəki hadisələrdən bəhs edəcək.

Filmin ədəbi əsası Corc Martinin “Alov və Qan” kitabı olacaq.