Ağdaşda tarixi abidənin acınacaqlı durumu - Nazirlikdən AÇIQLAMA + FOTO
Ağdaşda tarixi abidənin acınacaqlı durumu - Nazirlikdən AÇIQLAMA + FOTO
Ağdaş rayonunda yerləşən yerli əhəmiyyətli tarix-memarlıq abidəsi olan Qarabəy karvansarası bərbad vəziyyətdədir.
Bu barədə fotolar sosial şəbəkədə yayılıb.
Bildirilib ki, qəzalı vəziyyətə olan tarixi abidənin təmir-bərpa olunmasına ehtiyac var.
Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin mətbuat katibi Fariz Hüseynov Oxu.Az-ın sorğusuna cavab olaraq bildirib ki, tarixi abidə bərpa olunması üçün investisiya siyahısına salınıb:
“Ağdaş rayonunda yerləşən yerli əhəmiyyətli tarix-memarlıq abidəsi olan Qarabəy karvansarasının hazırkı vəziyyəti ilə bağlı məlumatlıyıq. Tarixi tikili uzun illər yaşayış evi kimi istifadə olunub. Hazırda qəzalı vəziyyətə olan tarixi abidənin təmir-bərpa olunmasına ehtiyacı var.
Tarixi abidə bərpa olunması üçün investisiya siyahısına salınıb”.
İlhamə Əbülfət