17 
Dek
2022
00:35
22
112
2008
Virtual karabakh

Nazirlik dövlət sifarişi ilə çəkilən filmin az gəlir əldə etməsinə aydınlıq gətirdi

17 Dek, 2022
00:35
2008

Nazirlik dövlət sifarişi ilə çəkilən filmin az gəlir əldə etməsinə aydınlıq gətirdi

Mədəniyyət Nazirliyi dövlət sifarişi ilə çəkilən filmlərdən 1905,2 manat gəlir əldə edilməsi məsələsinə aydınlıq gətirib.

APA xəbər verir ki, bu barədə Mədəniyyət Nazirliyinin Audiovizual və İnteraktiv Media şöbəsinin müdiri Rüfət Həsənov YARAT mərkəzində “Kino və Biznes: Körpülər” mövzusunda keçirilən müzakirədə çıxışı zamanı deyib.

Rüfət Həsənovun sözlərinə görə, bu rəqəm, əslində, böyükdür:

“Dövlət sifarişi ilə çəkilən filmlərdən 1905,2 manat qazanc əldə olunan dövr pandemiya zamanına təsadüf edir. Bu rəqəm, əslində, o dövr üçün çox böyük rəqəmdir. Çünki pandemiya zamanı kinoteatrlar qapalı idi, kinoteatrlar açılandan sonra isə cəmi iki film ekran üzü gördü. Bunlar “Daxildəki ada” və “Olimpiya” filmləri idi ki, gəlir də bu iki filmdən əldə olunub. Onu da əlavə edim ki, “Olimpiya” filmi cəmi 2 həftə nümayiş olundu”.

Şöbə müdiri tamaşaçılar tərəfindən nümayişi gözlənilən növbəti 2 film barədə ümidli olduğunu vurğulayıb:

“Hesab edirəm ki, həm “Həyat, deyəsən, gözəldir”, həm də “Mərmər soyuğu” filmləri kinoteatrlarda yaxşı nəticə göstərəcək. Lakin filmlərin öz büdcələrindən artıq qazanacağına inanmıram. Çünki təlabat yoxdur”.

Qeyd edək ki, Hesablama Palatası tərəfindən dövlət sifarişi ilə filmlərin çəkilməsi üçün dövlət büdcəsindən ayrılan vəsaitlərin istifadəsi ilə bağlı aparılan yoxlama tədbirlərinin nəticələrində qeyd olunub ki, ümumilikdə çəkilmiş bütün filmlər üzrə 1905,2 manat gəlir əldə edilib.

Bizimlə əlaqə saxlayın

Digər Mədəniyyət xəbərləri