Yenilənmiş “Google Maps”dən istifadə asanlaşacaq
Yenilənmiş “Google Maps”dən istifadə asanlaşacaq
Google” şirkəti “Google Maps” xəritəsinin dizaynını yeniləyib. Yaxın həftələrdə axtarış sisteminin xəritəsi mobil proqramlar, veb versiya, axtarış, “Google Earth” xidməti və “Android Auto” avtomobil informasiya sistemlərində fərqli şəkildə görünəcək.
Oxu.Az ICTnews-a istinadən xəbər verir ki, yeni xəritələrdə obyektlər haqda informasiya istifadə rejimindən (axtarış, avtomobil naviqasiyası və ya ictimai nəqliyyatda gediş) asılı olaraq göstəriləcək. Birinci rejimdə restoran, mağaza və müəssisə, ikinci rejimdə yanacaqdoldurma və avtodayanacaqlar, üçüncü rejimdə isə avtobus dayanacaqları və metro stansiyalarına üstünlük veriləcək. Bu yanaşma xəritəni həddən artıq yükləməyə imkan verməyəcək.
Yeni rəng sxemi eyni amala xidmət edir: müxtəlif obyekt tipləri müxtəlif rəngli nişanlarla işarələnir, nişanlar isə daha informativ olub. İndi “Google”un xəritəsində restoran və kafelər narıncı, mağazalar göy, aptek və klinikalar çəhrayı, əyləncə sənayesi obyektləri və görməli yerlər dəniz dalğası, banklar və xidmət sahəsi müəssisələri bənövşəyi, dövlət idarələri və kilsələr boz, park və bağçalar yaşıl, ictimai nəqliyyat isə açıq-mavi rənglə işarələnir.
L.Ə.