Neftin qiyməti 100 dollara çatacaq - PROQNOZ
Neftin qiyməti 100 dollara çatacaq - PROQNOZ
Neftin bir barelinin qiyməti İrana qarşı sanksiyalara görə 100 dollara çata bilər.
Oxu.Az xəbər verir ki, “Qazprom” neft şirkətinin rəhbəri Aleksandr Dyukov belə bir açıqlama verib:
“Qiymətə gəldikdə isə, şübhəsiz ki, İran neftinə münasibətdə tətbiq edilməsi gözlənilən sanksiyalarla əlaqədar olaraq kəsirin yaranma riski qiymətə təsir edir”.
Artıq Rusiyanın neft şirkəti “Lukoi”lin rəhbəri Vaqif Ələkbərov, ABŞ-ın İrana qarşı sanksiyaları səbəbindən risk götürmək istəmədiklərini bildirərək, “İrandan neft idxalını dayandırmışıq”,- deyib.
“Lukoil”in beynəlxalq bir şirkət olduğunu xatırladan Ələkbərov “Sanksiyalarla bağlı risklər çox böyükdür və hər hansı bir məhdudiyyəti pozmaq istəmirik. İrandan neft idxalını dayandırmışıq”,- deyib.
ABŞ rəhbərliyinin İranın neft ticarətini hədəfə alan ikinci mərhələ sanksiyalarının 5 noyabrda qüvvəyə minəcəyi gözlənilir.
“Neftin dünya qiyməti indiyə qədər üç dəfə qalxardı, amma OPEC+ ölkələrinin bu ilin iyununda hasilatı bir milyon barel artırmaq haqqında qərar vermələri buna mane oldu”.
Bunu isə OPEC katibi Mohammad Barkindo bildirib.