BVF Azərbaycanla bağlı proqnozlarını açıqladı
BVF Azərbaycanla bağlı proqnozlarını açıqladı
Beynəlxalq Valyuta Fondu bu il Azərbaycanda ÜDM-nin artımını 1,3% səviyyəsində proqnozlaşdırır.
Oxu.Az -ın xəbərinə görə, “World Economic Outlook” icmalında qeyd olunur ki, 2019-cu ildə Azərbaycanda ÜDM-in artımı 3,6%-dək sürətlənəcək.
Fondun dəyərləndirməsinə görə, 2023-cü ildə Azərbaycanda ÜDM-in artımı 2% olacaq.
İnflyasiya göstəriciləri üzrə BVF daha optimist rəqəmlər açıqlayıb. Belə ki, proqnozlara əsasən, 2019-cu ildə Azərbaycanda inflyasiya 3,5%-dək, 2020-ci ildə 3,3%-dək azalacaq. 2023-cü il üzrə Azərbaycanda orta illik inflyasiya isə 3% səviyyəsində proqnozlaşdırılır.
BVF 2018-ci ildə Azərbaycanın tədiyyə balansının profisitini ÜDM-nin 6,6, 2019-cu ildə ÜDM-nin 8,1, 2023-cü ildə ÜDM-nin 9,6 faizi səviyyəsində dəyərləndirib.
Bu il və gələn il üçün Azərbaycanda işsizlik göstəricisi 5 faiz səviyyəsində saxlanılıb.