Azərbaycanda dövlət xətti ilə kirayəyə verilmiş mənzillərin sayı AÇIQLANDI
Azərbaycanda dövlət xətti ilə kirayəyə verilmiş mənzillərin sayı AÇIQLANDI
Bu günə qədər İpoteka və Kredit Zəmanət Fondu (İKZF) 42 346 borcalana 2 milyard 423 milyon 79 min manat kredit verib.
Oxu.Az xəbər verir ki, bu barədə İKZF-nin açıqlamasında bildirilir.
Bundan başqa, qurum bəyan edib ki, indiyə qədər 349 milyon 759 min manat məbləğində biznes kreditlərinə zəmanət verilib, 3 013 mənzil isə kirayəyə vermək yolu ilə realizə edilib.
Xatırladaq ki, İKZF 2017-ci ilin sonunda “Azərbaycan İpoteka Fondu” və “Kredit Zəmanət Fondu” ASC-lərin birləşməsi nəticəsində yaradılıb və onların hüquqi varisidir. Fond milli maliyyə təsisatlarına uzunmüddətli subsidiyalaşdırılmış ipoteka kreditlərinin verilməsi və ucuz maliyyə resurslarına çıxışın təmin edilməsi ilə bağlı likvidlik dəstəyini verən dövlət agenti kimi fəaliyyət göstərir.