Daha bir ölkədə “TikTok” qadağan edilə bilər

Qazaxıstan “TikTok” platformasına girişin bağlanması imkanlarını araşdırır.

Bu barədə ölkənin mədəniyyət və informasiya naziri Aida Balayeva jurnalistlərə bildirib.

“Demirəm ki, biz bunu artıq qadağan edirik. Sadəcə bu barədə düşünürük, çünki qonşu dövlətlər və digər ölkələr də belə tədbirlər görür, biz də öyrənirik”, - deyə o bəyan edib.

Nazirin sözlərinə görə, sosial şəbəkədə dələduzluq və yalan məlumatların yayılması halları artıb.

Qeyd edək ki, aprelin 19-da “TikTok” Qırğızıstanda bloklanıb.

Mənbə: İntarfaks