Qeyri-adi “ayaqqabı meşəsi” tapılıb – FOTO
Qeyri-adi “ayaqqabı meşəsi” tapılıb – FOTO
Kanadalı fotoqraf Petti Meyher səyahət edərkən “ayaqqabı meşəsi” ilə qarşılaşıb.
Oxu.Az “Boredpanda”ya istinadən xəbər verir ki, Ontaria əyalətində Orencvayl qəsəbəsinə gəzintiyə çıxan fotoqraf qeyri-adi görüntünün şahidi olub.
Yüzlərlə ayaqqabının ağaclardan asıldığını görən Petti ilk öncə hansısa ailənin avtomobil qəzasında öldüyünü və onların anılması üçün bu ayaqqabıların ağacdan asıldığını zənn edib.
Ancaq polis qeydləri burada heç bir qəzanın olmadığını ortaya çıxarıb. Digər versiya isə qəsəbədə yaşayan uşaqların bunu zarafat məqsədilə etməsidir.
Müxtəlif rəngdə və çeşiddə olan ayaqqabıların bəzilərinin tarixi 1970-ci illərə aiddir.
Qeyd edək ki, ağaclara ayaqqabılarla bərabər müxtəlif skelet maketləri və fotolar da asılıb.
Pərviz Hüseyn
www.oxu.az