Peskov Bakıdakı tətildən razı qalıb

Rusiya prezidentinin mətbuat katibi Dmitri Peskov deyib ki, tətil zamanı ailəsi ilə birlikdə dənizdə olub. 

Oxu.Az “RİA FAN”a istinadla xəbər verir ki, o, yaxınları ilə birlikdə keçirdiyi tətildən razı qaldığını bildirib. 

“Tətildən çox razıyam... Ən əsası, ailəmlə birlikdə idim. Bu, çox nadir hallarda olur”, - o, “Qovorit Moskva” radiostansiyasına müsahibəsində bildirib. 

Peskov tətil keçirdiyi yerin adını açıqlamasa da, bir müddət əvvəl onun həyat yoldaşı Tatyana Navka ilə birlikdə Azərbaycanın paytaxtında keçirilən “Jara” festivalına qatıldığı bildirilmişdi.

www.oxu.az