Araz Əlizadə: Deputatlar insanlarda ruh düşkünlüyü yaradırlar

Bəzi deputatlar Qarabağ məsələsində insanlarda ruh düşkünlüyü yaradırlar.

Oxu.Az-ın xəbərinə görə, bunu millət vəkili Araz Əlizadə parlamentin payız sessiyasının ilk plenar iclasında çıxışı zamanı deyib.

“Bəziləri deyirlər ki, gəlin filankəsə, filan dövlətə yalvaraq ki, bizim torpaqlarımızı qaytarsın. Biz kiməsə yalvarmamalıq. Ölkə başçımız da bu məsələdə öz iradəsini, qətiyyətini ortaya qoyub. Dəfələrlə deyib ki, lazım gəldiyi vaxt torpaqlarımızı güc yolu ilə də qaytara bilərik. Ona görə Oqtay müəllim Sizdən xahiş edirəm ki, deputatlara göstəriş verəsiniz ki, insanlarda ruh düşkünlüyü yaradan fikirlər söyləməsinlər”, - deyə deputat bildirib.

Buna cavabında isə spiker Oqtay Əsədov bu məsələdə həddindən atrıq ehtiyatlı davranılmasının gərəkdiyini bildirib:

“Düzdür, mən kiməsə göstəriş verə bilmərəm ki, hansısa fikri söyləməsin, amma onu bilirəm ki, bu məsələdə kifayət qədər ehtiyatlı olmalıyıq. İndi mən çox məsələləri dilə gətirmək, debat açmaq istəmirəm, amma ehtiyatlı olmalıyıq”.

Kamil HƏMZƏOĞLU
www.oxu.az