Əmək pensiyasının artırılması Naxçıvanda neçə nəfərə şamil ediləcək?

Minimum pensiyanın artırılması Naxçıvan Muxtar Respublikası (MR) üzrə ümumilikdə 4 600 əmək pensiyaçısına şamil ediləcək.

“Report” xəbər verir ki, bu barədə MR-in Dövlət Sosial Müdafiə Fondu məlumat yayıb.

Qeyd edək ki, Prezident İlham Əliyevin imzaladığı “Əhalinin sosial rifahının yaxşılaşdırılması sahəsində əlavə tədbirlər haqqında” sərəncama uyğun olaraq əmək pensiyasının minimum məbləğindən aşağı məbləğdə əmək pensiyası alan bütün vətəndaşların pensiyalarının məbləği 240 manatdan 280 manata çatdırılacaq.