Rusiya Mahaçqaladan Bakıya uçuşların başlanmasına dəstək verəcək

Mahaçqala ilə Bakı arasında hava əlaqəsinin bərpası Rusiya aviasiya qurumu tərəfindən həm ölkə, həm də Azərbaycanın aviaşirkətləri üçün əlverişli şərtlərlə dəstəklənəcək.

Rusiya Federal Hava Nəqliyyatı Agentliyinin mətbuat xidmətinin çərşənbə axşamı verdiyi məlumata görə, Mahaçqala hava limanında agentliyin rəhbəri Aleksandr Neradko və Dağıstan rəhbəri Sergey Melikov arasında beynəlxalq daşımaların inkişafı müzakirə edilib.

Sergey Melikov bildirib ki, hazırda yeni hava marşrutlarının açılması imkanları nəzərdən keçirilir. Planda ilk məqamlardan biri Mahaçqala ilə Bakı arasında hava hərəkətinin bərpasıdır. Aleksandr Neradko isə qeyd edib ki, indiki şəraitdə beynəlxalq uçuşların coğrafiyasını genişləndirmək vacibdir və Rusiyanın aviasiya qurumu iki ölkənin aviaşirkətləri üçün qarşılıqlı faydalı şərtlərlə Mahaçqaladan Bakıya uçuşların başlanmasına dəstək verməyə hazırdır.

Mənbə: TASS