Səməd Seyidov Azərbaycanın Qarabağ bölgəsində yaşayan erməni sakinlərinə müraciət edib - FOTO
Səməd Seyidov Azərbaycanın Qarabağ bölgəsində yaşayan erməni sakinlərinə müraciət edib - FOTO
Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov Azərbaycanın Qarabağ bölgəsində yaşayan erməni sakinlərinə müraciət edib.
O, bu barədə “Twitter” hesabında yazıb:
“Azərbaycan Prezident Administrasiyası Qarabağ erməniləri ilə parlamentimizin xüsusi nümayəndəsi (Ramin Məmmədov - red.) arasında Xocalıda baş tutan görüşdən sonra Qarabağdakı erməniləri Bakıya dəvət edib. Gəlin, daha parlaq, daha ahəngdar gələcək üçün dialoqu davam etdirək”.
After a meeting between our parliament's special representative and Armenians from Qarabag in Khojali, the office of 🇦🇿President has invited Armenians from Karabakh to engage in talks in Baku. Let's keep the dialogue going for a brighter, more harmonious future.
— Samad Seyidov (@SeyidSamad) March 13, 2023
Qeyd edək ki, Prezident Administrasiyası Qarabağ bölgəsində yaşayan erməni sakinləri növbəti görüş üçün Bakıya dəvət edib.
Xatırladaq ki, daha əvvəl deputat Ramin Məmmədov Azərbaycanın Qarabağ bölgəsində yaşayan erməni sakinlər ilə təmaslar üzrə məsul şəxs qismində müəyyən edilib. O, Xocalı şəhərində, Azərbaycan ərazisində müvəqqəti yerləşdirilmiş Rusiya sülhməramlı kontingentinin qərargahında Azərbaycanın Qarabağ bölgəsində yaşayan erməni sakinlərin təmsilçiləri ilə görüşüb.