“Maşın”ın qalibi məlumdur – İslam, yoxsa Elcan?

Xəbər verdiyimiz kimi, rəqqasə Oksana Rəsulova “Maşın” şounu tərk edib. 

Oxu.Az Qafqazinfo-ya istinadən xəbər verir ki, bu məlumatı aparıcı Murad Dadaşov da təsdiqləyib və efirə məhz Oksananı dəvət edib. 

O, bildirib ki, ayaqları şişdiyi üçün yarışmanı davam edə bilməyib: 

“Əlimi avtomobildən götürəndən sonra həkim mənə kömək etdi, artıq dayana bilmədim”.

Murad Dadaşov əlavə edib ki, oyunun qalibi də artıq məlumdur. Avtomobilin sahibinin adı səhərə yaxın məlum olub. Lakin həmin şəxsin aktyor İslam Mehrəliyev, yoxsa onun həmkarı Elcan Rəsulov olduğu açıqlanmayıb.

S.B.
www.oxu.az