Müğənni Mətanətin aparıcıya cavabı gecikmədi

Müğənni Mətanət Əsədova aparıcı Sərxan Kərəmoğlunun sözlərinə cavab verib.

Oxu.Az xəbər verir ki, Əsədova Sərxana bəddua edərək onu nankorluqda günahlandırıb:

“İnsan yediyi qaba tüpürməz, mənim evimdə çörək kəsib. Burnundan irin-qan olub tökülsün. İnsan öz qədrini bilməyəndə, ailəsinin qədrini bilməyəndə iki dəqiqədən bir reytinq xətrinə ailəsini ortaya qoyub, balalarını öldürüb-dirildir. Ondan nə umursunuz? Mənə zəng etdi ki, verilişinin açılışına gəlim. Evdə qardaşımın, bacımın üstünə həkim gəlirdi. Ona görə də verilişə qatıla bilmədim. Ona görə belə edir. Ayıb olsun. Allah onun bəlasını versin”.

Qeyd edək ki, Sərxan Mətanəti Azərbaycan qadınının adına ləkə adlandırmışdı.

www.oxu.az