“CinemaPlus”da xeyriyyə nümayişi - FOTO/VİDEO
“CinemaPlus”da xeyriyyə nümayişi - FOTO/VİDEO
“CinemaPlus 28 Mall” premium kinoteatrında 2018-ci ildə “Cinemazadeh” studiyasında Azərbaycan dilinə peşəkar dublyaj olunmuş Kanada istehsalı olan “Qar adamı axtarışında” animasiya filminin uşaqlar üçün xeyriyyə nümayişi baş tutub.
Oxu.Az-ın məlumatına görə, cizgi filmi başlamazdan öncə uşaqlar üçün sehrbaz Anarın çıxışı ilə əyləncə proqramı təşkil olunub.
Animasiya filmini Vüsal Xalıqoğlu, Mətanət Abbaslı, Rövşən Məmmədli, Pərviz Məmmədrzayev, Emin Nəsirli, Ramil Zeynalov, Nəcibə Hüseynova, Vüsal Hacıqədir və Elşən Rüstəmov dublyaj ediblər.
Dublyajın rejissoru Vüsal Məmmədov, redaktor Vüqar Hüseynov, səs rejissoru Natiq Şəkərəliyev, səs operatoru Rəhman Hacıyev, post-prodakşn supervayzer Vüqar İslamzadə, icraçı prodüser Emil Davudzadə, baş prodüser Cəfər Axundzadədir.
Ailəvi cizgi filminin rejissorları Pyer Qreko və Nensi Sevarddır.
Qısa məzmunu: Şəxsi detektiv Nelli və botanik-alim Saymonun maraqlı sərgüzəştləri. Onlar əminliklə Qar adamının varlığına inanırlar. Mifik heyvanın varlığını sübut etmək üçün tədqiqatçılar Himalayın düz mərkəzinə yola düşməli və onu tapmalıdırlar.
