Elton Conun səhhətində problem yaranıb – Konserti yarım illik təxirə salındı

Britaniyalı müğənni Elton Conun ABŞ-da keçirilməsi nəzərdə tutulan konserti artistin xəstəliyi səbəbindən təxirə salınıb.

Bu barədə konsertin keçirilməsi planlaşdırılan arenanın“Twitter” səhifəsində məlumat verilir.

Məşhur müğənni İndianapolisdə şənbə günü “Bankers Life Fieldhouse” arenasında çıxış etməli idi. Lakin təşkilatçılar bildiriblər ki, konsert musiqiçinin xəstəliyi səbəbindən gələn ilin martın 26-a keçirilib. 

“Bu dəyişikliklər nəticəsində yaratdığımız narahatlığa görə üzrxahlıq edirik və Eltona tezliklə sağalmağını diləyirik”, - deyə məlumatda bildirilir.